Informacion adicional
Informacion adicional (Mudamento of otro cambionan)
Nos ta pidi mayornan encarecidamente pa pone nos di biaha na altura ora tin cambio di adres of number di telefon. Principalmente number di celular ta hopi importante pa nos tin nan up to date. Esaki ta pa ora di tuma contacto cu mayornan den caso di emergencia. Esaki boso por haci via telefon mes. Telefon di scol ta: 585-8021.
Reparticion di e Trimesternan
- Prome trimester ta cuminsa dia 20 aug. 2008
- Di dos trimester ta cuminsa dia 27 di november 2009
- Di tres trimester ta cuminsa dia 19 di maart 2009
Pruebanan
Pa yega na un cifra cu ta duna un bon bista riba e prestacion di cada alumno e docente ta duna diferente prueba. Antes nos tabata uza e terminonan overhoring, proefwerk y cp. Door di e cambionan den e tipo di pruebanan, nos a dicidi di cambia nomber di e pruebanan.
Nos ta uza e termino Toets 1 pa un prueba cu ta conta 1 biaha.
- Toets 1 ta un prueba di un parti di un capitulo y cu tin un duracion di no mas cu 20 minuut.
- Un Toets 2 ta conta dos biaha. E toets 2 ta un prueba di un capitulo completo y ta dura no mas cu 45 minuut.
- Un Toets 3 ta conta tres biaha. E Toets 3 ta un prueba di mas di un capitulo y cu por dura 45 of 90 minuut, esta 2 lesuur.
E forma di e toets por ta un “verslag”, por escrito of oral, presentacion, poster, baile, tarea practico of preguntanan tocante di loke a wordo presenta den klas of den buki.
E fechanan di cada prueba ta wordo anuncia na tempo na e alumnonan y ta wordo nota den e “klassenboek”.
Ora mucha keda cas riba dia di un prueba
Den caso cu un alumno pa un of otro motibo ta malo ora di un prueba e tin cu haci un cita cu e docente di e materia pa haci e prueba riba un otro fecha. E alumno ta haya un siman di tempo despues cu e bolbe scol pa haci e cita pa traha e prueba aki. Despues di e siman aki si e alumno no a acerca e docente pa haci e prueba e no ta haya oportunidad pa traha e prueba mas y e por haya e cifra 1 pa e prueba aki.
Den caso cu e alumno tabata ausente ora di toets 3, e mester trece un carta di dokter pa e por traha e prueba aki riba un otro fecha. E toets 3 aki ta obligatorio pa traha. Ta consehabel pa e alumno traha tur e pruebanan cu e a falta.
T3 of Pruebanan central
E aña escolar 2008-2009 tin tres cp-week, cu otro palabra, un siman di pruebanan central. E docente ta dicidi e cantidad di stof (hoofdstuk) di toets 3 y e ta percura pa e alumnonan ta na altura di esaki 2 siman prome cu e prueba tuma lugar.
E alumno lo haya un descripcion di e materia cu e mester studia y lo haya sa riba cua criterianan e tin cu mustra su habilidadnan y conocemento.
Tussenrapport
Tur alumno lo haya un tussenrapport durante cada trimester unda cu tur e resultadonan di e pruebanan lo wordo duna. Den caso cu e tussenrapport ta contene hopi onvoldoende e mentor lo tuma contacto cu e mayor pa bin busca e rapport aki, en cambio si e tussenrapport ta voldoende e alumno lo haya esaki pa hiba cas. Nos ta pidi tur mayor pa firma e tussenrapport y manda esaki scol bek no mas tarda cu un siman despues di a ricibi esaki. Nos ta duna boso e fechanan pa boso sa ki tempo boso por spera e tussenrapport.
Fechanan di tussenrapport
- 2-3 okt. 2008 Tussenrapport 1
- E alumnonan di 4de klas tambe ta haya tussenrapport 1
- 12-13 feb. 2009 Tussenrapport 2
- 28-29 mei 2009 Tussenrapport 3
Fechanan di rapport
rapport 1:- 15 dec. 2008 E anochi aki mayornan ta bin busca e rapport:
- 6 april 2009 E anochi aki mayornan bin busca e rapport:
- 1 juli 2009 Esaki ta ultimo dia di scol y e muchanan mes ta bai cas cu e rapport.