Reglanan di Scol

Reglamento di Colegio San Antonio

1. Cada studiante ta percura pa e ta prome cu e bel riba tereno di scol. Esun cu yega laat mester meldo na directie. Si ta e caso cu e studiante yega tres biaha of mas laat, e mester presenta na directie cu su mayornan. Si e studiante keda cu e mal custumber aki, lo tin consecuencia mas pisa. Si e studiante no tin rason valido, e lo haya tarea extra.

2. E studiante mester traha of sina su tareanan pa cas (huiswerk). Si tarea di cas no ta completo, e ta haya straf of por tin otro consecuencia pa e studiante.

3. Na momento cu e studiante no bin scol pa motibo di malesa of otro motibo, e mayornan mester presenta cu e studiante na scol e prome dia cu e studiante regresa scol. Si ta cuestion di malesa e studiante mester presenta cu un carta di docter. Si e studiante ta ausente , e ta keda personalmente responsabel pa busca tur anotacion of informacion cu e por a perde den su dianan di ausencia.

4. Si e studiante ta ausente riba un dia cu e klas tin un T2 of T3, e studiante mester palabra, den un siman, un fecha cu e docente pa traha e T2 of T3. Pa e studiantenan cu no tene nan mes na e regla aki, por tin consecuencia riba su punto.

5. E studiante no ta permiti pa huma riba tereno di scol ni tampoco na momento di actividad di scol. Bebida alcoholico of droga ta altamente prohibi. Si e studiante kibra e regla aki e lo haya inmediatemente schorsing di 3 dia.

6. No ta permiti pa bringa riba tereno di scol, den becindario di scol of na actividad di scol. Na momento di kibra e regla aki of mal comportacion, e studiante lo haya schorsing.

7. Tur studiante mester yuda tene scol limpi. Cada siman un klas ta responsabel pa mantene e tereno di scol limpi. Tin un rooster colga na directie. Si e tereno di scol no ta limp despues di e di dos pausa, e studiantenan bou supervision di nan mentor ta responsabel pa haci esaki limpi na final di e dia. No ta permiti pa haci limpi durante les.

8. Durante di scol no ta permiti pa bandona tereno di scol sin permiso. Na momento cu tin ora liber mei mei di e dia mester pasa esaki den un lokaal. E studiantenan no por cana rond durante nan ora liber riba tereno di scol.

9. Ora cu e studiante tin les di L.O. (gymnastiek) pana deportivo ta obilgatorio p.e.: short di bermuda, t-shirts, keds. Locual cu no ta permiti ta e.o. 'spaghettiestreps-shrirts', 'hotpants', t-shirts politico of pana cu un otro mensahe cu no ta permiti na scol. Durante di lesnan di L.O. no ta permiti di cana pia abou.

10. Den oranan den pausa e studiantenan ta permiti pa sinta solamente mei mei riba tereno di scol  y ningun otro caminda. Deporte cu bala no ta permiti riba tereno di scol.

11. E studiante  ta haya buki di les y buki di biblioteca fia. Si e studiante perde, kibra, danja of susha e buki e mester paga esaki. Si acaso un buki no ta na ordo of den bon estado scol lo keda cu e borg.

12. Cada studiante mester tin nan 'briefcase' (harde tas). Un otro sorto di tas no ta permiti na scol

13.  E studiante mester bin scol cu su uniform: T-shirt of poloshirt cu e emblema di scol cu un carson largo of un jeans. Sandalia, slof, pechi, muts, 'panty-hose' y piercings no ta permiti na scol. Renchi di horea pa mucha homber no ta permiti. Tatuahe no por ta visibel na scol.

14. Na final di cada les e studiante mester cambia di lokaal mas lihe posibel pa presenta na siguiente les riba rooster. E limite di tempo ta 2 minuut cu lo wordo avisa cu un bel. E studiante mester ta prome cu e di dos bel den klas, sino e ta considera e studiante ta laat.

15. Tur aparato cu ta produci musica, wega electronico manera Gameboy, Psp y laser pointer no ta permiti den klas. E studiantenan no mag di uza cellular durante les y e no mag di wordo scucha of mira durante di les ni tampoco den klas. Si e studuante kibra e regla aki e docente ta kita e cellular for di dje y entrega esaki na directie. E mayor mester busca e cellular da directie of na SKOA.

16. Scol no ta responsabel pa perdida di cosnan personal e.o.: cellular, joyas, i-pod, aparatonan electronico ect.

17. Actividadnan cu scol ta organisa cu no ta cai bou ora di scol, no ta cai bou responsabilidad di scol. Participacion na e actividadnan aki ta cai bou di responsabilidad di e mayornan.

18. Bals no ta permiti na scol. No ta permiti skirbi riba muebles di scol, muraya di scol y tampoco riba of den buki di scol. Come of bebe no t a permiti den lokaal.

19. Asuntonan di scol mester wordo regla na scol y no na cas di docente of personanan di directie.

20. E escusa cu bo persona no ta conoci cu e regla no ta escusa valido pa scapa for di e reglanan ariba menciona. Den caso cu e reglamento no ta valido ta wordo dicidi pa directie.