Header image

Ciclo Avansa 2 (Examenklas)

Ciclo Avansa 2 of examenklas ta e aña den cual un alumno ta culmina su periodo di Mavo. E ta un aña cu hopi reto y un meta importante su dilanti. Na final di e aña e alumno ta haci examen y si tur cos bay bon, e ta ricibi su Mavo diploma.

Profiel

Na final di derde klas un alumno ta kies un profiel den tres area concreto. Ciencia y kimica (Natuurwetenschappen of NW), “Social Studies” (Mens en Maatschappij of MM), Humanidad (Humaniora of HU).

Hulandes y Ingles ta obligatorio pa tur alumno den examenklas. Un alumno mester haci examen den minimo 7 materia (8ste vak) na Colegio San Antonio. E alumno mester tene na cuenta cu si e kier haci havo despues di mavo, e mester tin un di 7 materia den cual e ta haci examen. LO tambe ta forma parti di e curriculo y ta obligatorio pa tur alumno. E alumno mester conclui e materia aki cu un suficiente (voldoende) pa e por gradua.

Schoolexamen (SE) y Centraal Schiftelijk Examen (CSE)

Durante e aña escolar tur alumno ta traha 3 examen parcial/escolar (schoolexamen) y un examen final (centraal schriftelijk examen). Un examen parcial por wordo duna por escrito (schriftelijk), oral (mondeling) of den forma di un investigacion y su relato (praktische opdracht).

Na momento cu e alumno conclui tur tres examen escolar (SE), ta saca un promedio (SE-gemiddelde) di esaki. E promedio aki ta conta como 50% di e nota final di e alumno. E otro 50% di e nota final ta e punto cu e alumno ta score pa e examen final.

Por download e rooster di schoolexamens akinan

Bou di coordinacion di SKOA, tur su scolnan di mavo ta organisa un rekentoets pa loke ta e materia di rekenen. Aunke esaki no ta conta den e pakete pa por gradua, e ta un materia cu nos ta considera como uno hopi importante. Pa e motibo aki pa 5 aña caba, tur candidato cu ta bay un scol di SKOA ta haya preparacion pa rekenen como tambe un serie di prueba cu ta wordo organisa den e periodo di examen escolar. Si e alumno logra haya un suficiente (voldoende) pa e materia, e ta ricibi un certificado na final di aña cu e nivel 2F.

Examen oral y literatura

Tur alumno mester haci examen oral pa cada idioma. Pa Hulandes y Ingles esaki ta obligatorio. Si e alumno a scoge Spaño y/of Papiamento den su profiel, e mester cumpli cu e rekisito aki tambe. Tur examen oral ta wordo organisa di forma coordina na nos scol y ta cay den luna di maart. E alumno mester respeta y cumpli cu esaki mescos cu tur otro SE of examen. Si e no presenta na un examen oral sin motibo valido, e alumno tin chens di perde su aña escolar. Pa Hulandes y Papiamento e docente por kies pa duna un prueba pa e parti di literatura. E organisacion di esaki ta den man di e docentenan di ambos materia.

Un candidato por scoge pa traha un her-SE den un (1) materia di su escogencia den periodo di SE1 y periodo di SE2. Despues di e periodo di SE3 no ta existi e posibilidad pa haci un her-SE.

Pa un alumno por haya e oportunidad pa traha examen, e mester a traha tur tres examen escolar (SE) pa cada materia.

Examen

Centraal schriftelijk examen of examen final ta wordo coordina for di Examenbureau Aruba (EBA). Na comienso di aña scol ta inscribe tur alumno di examenklas na EBA y ta registra e profiel cu e alumno a scoge pa traha su examen aden. Pa mavo tin examen den tur 12 materia. Cinco di e examennan ta bini di Hulanda: wiskunde, natuurkunde, scheikunde, biologie y Engels. Siete examen ta wordo traha na Aruba mes: Nederlands, Spaans, Papiamento, geschiedenis, aardrijkskunde, economie m&o y CKV.

Tur alumno tin derecho riba un herexamen.

Por download e rooster di central schrijftelijk examens akinan:

Calculacion di examencijfer

Pa por yega na e promedio di e SE-cijfer (SE-Gemiddelde) cu ta 50% di e nota final di e alumno tin diferente forma pa calcula. Esaki ta debi cu e alumno mester scohe pa traha un trabou practico (praktische opdracht of PO) den su profiel. E materianan den cual e alumno por haci un trabou practico ta: geschiedenis, aardrijkskunde, biologie, natuurkunde y CKV. Pa e alumno cu tin CKV den su profiel, e trabou practico di CKV ta obligatorio.

Con pa calcula e premedio di schoolexamen (gemiddeld SE-cijfer):

Pa e materia den cual e alumno a traha un trabou practico (praktische opdracht):

(SE1x2 + SE2x2 + SE3x2 + POx1) / 7 = gemiddeld SE-cijfer

Pa e materia di CKV:

(SE1 + SE2 + SE3 (PO)) / 3 = gemiddeld SE-cijfer

Pa tur otro materia:

(SE1 + SE2 + SE3) / 3 = gemiddeld SE-cijfer

Aki nos ta rond af un cifra tras di “comma”. Por ehempel: Un 6,55 ta bira un 6,6.

Pa loke ta trata examen e afronding ta mesun cos. E cifra aki tambe ta wordo afgerond cu un cifra tras di comma.

Eindcijfer (nota final)

Pa cada materia e calculacion ta mesun cos:

(gemiddeld SE-cijfer + Examencijfer) : 2 = Eindcijfer

E cifra aki (eindcijfer) ta uno sin comma (geheel getal). Nos ta rond af solamente un biaha. Es decir ta wak e prome cifra tras di comma solamente.

Por ehempel:

5,45 ta bira un 5,4 y consecuentemente esaki ta bira un 5.

5,59 ta bira un 5,5 y consecuentemente esaki ta bira un 6.

 

Un ehempel concreto di con ta calcula e eindcijfer pa cada materia:

 

  1. Gemiddeld SE-cijfer:

SE1 5.6 -> SE2 7.3 -> SE3 6.9 (5.6 + 7.3 + 6.9) : 3 = 6.6

  1. Gemiddels SE-cijfer cu PO:

(5.6×2 + 7.3×2 + 6.9×2 + 7.5×1) / 7 = 6.7

 

Examencijfer: 6,3

Ad. 1 Eindcijfer: (6,6 + 6,3) : 2 = 6,45 = 6,4 = 6 (zes)

Esey kiermen cu e alumno a score un 6 pa e materia aki riba su cijferlijst.

Ad. 2 Eindcijfer: (6.7+6.3) : 2 = 6.5 = 7 (zeven)

Ki ora un alumno a slaag?

  • E materia L.O. (4de) y CKV (3de) mesterta voldoende.
  • Pa tur materia e tin un voldoende.
  • Si e tin un vijf (cinco) so y e resto mester ta voldoende (6 of mas).
  • Si e tin dos vijf (cinco) of un vier (cuater) e promedio di tur e punto hunto mester ta Zes (seis of mas).
  • E alumno tin dos onvoldoende (dos 5) y e tin compensatie (dos 7, un 8 of un 9)

E no mag di tin:

  • un cifra mas abou cu vier (cuater) p.e. 1 , 2 of 3
  • onvoldoende den mas cu dos materia (sin compensatie)
  • combinacion di un 4 y 5 of dos 4.

Herexamen

  • Ta posibel si e candidato por slaag ainda
  • Ta posibel si e candidato no a slaag pero e kier hisa un punto pa haya vrijstelling
  • Ta solamente posibel den un (1) materia
  • Profileer ta ora un alumno ta traha un herexamen pa hisa un cifra. E alumno cu profileer in principio a slaag caba den e prome ronde

Durante examen

  • E alumno cu yega mas laat cu 30 minuut no por participa na e examen of SE mas
  • No ta permiti pa bandona e sala di examen sin permiso di un docente
  • Si e alumno mester bay toilet, un docente mester compañ’e
  • E alumno ta traha riba un papel oficial y/of cu e stempel di scol
  • No ta permiti pa scirbi cu potlood, mester skirbi cu pen (blauw). Ta usa potlood pa pinta solamente.
  • No ta permiti pa trece otro “hulpmiddelen” sin permiso di un maestro, p.e. un diccionario
  • No ta permiti pa fia calculator, pen etc. durante di examen
  • Celularnan mester ta paga/na silent y warda den tas di e alumno. E alumno no mag tin e celular den su posesion (riba su curpa).
  • NO TA PERMITI USA WHITE-OUT
  • No ta permiti pa uza un “graphics calculator”
  • No ta permiti pa un docente contesta preguntanan ora di SE of examen, ni e alumno por haci preguntanan riba e contenido di e SE.

Ausencia durante examen

  • Ausencia durante examen ta permiti solamente den casonan urgente y/of extremo. Ehempel: Malesa, accidente of fayecemento di famia cerca.
  • Prome cu e examen cuminsa mester notifica e director y duna e motibonan (prome cu 7:30 di mainta)
  • E alumno mester presenta e mesun mainta pa un chekeo medico na oficina di Medwork na Tanki Flip 12, Unit A of na Bernhardstraat 101, Unit 7. Mayor ta core cu gasto di esaki cu ta 35 florin cash.
  • Un mayor of voogd mester presenta na scol cu e carta di comprobante di Medwork. E mayor tin tres (3) dia pa haci esaki despues di e ausencia di e alumno.

Entregamento di Buki y otro material di scol

Na comienso di e period di examen, tur candidato ta ricibi tur informacion di su mentor. Entre otro e lo ricibi un boekenformulier y rooster caminda cu tur docente lo firma na momento cu e alumno entrega tur material y esakinan ta “in orde”.

E alumno mester tene su mes na e rooster. Tene na cuenta cu pa por organisa esaki, a cambia e orario di docente pa nan por atende cu e alumnonan. In principio e rooster ta hopi simpel, e alumno ta entrega e buki di e materia e mesun dia cu e tin examen den e materia ey. Un ehempel: e dia cu e tin examen di scheikunde, e ta entrega tur materia di scheikunde serca e docente despues di e examen.

Resultado final

Segun e planificacion actual, resultado final ta wordo duna den e di dos siman di juni. Normalmente nos ta haci esaki parti atardi na scol. Tur candidato cu ta desea di haci un herexamen of profileer pa un materia, mester inscribi e mainta siguiente na scol. Tur alumno tin derecho den “inzage” di nan examen. Esaki ta nifica cu nan por controla e examen cu nan a traha serca nan docente. Scol ta coordina esaki mediante un rooster specifico cu tur candidato ta ricibi na comienso di mei 2021.

Decaan

E tarea di e decaan (TH y KE) di scol ta pa guia e candidato den su escogencia pa e siguiente scol despues di Mavo. E alumno tin diferente opcion:

  • Havo
  • EPI -> cuater diferente sector
  • Otro tipo di opleiding manera ta scol pa polis, brandweer, Guarda nos Costa, Imigracion, Douane, etc.
  • Estudio den exterior -> Boneiro, Corsow, Hulanda of Merca.

Durante di aña lo organisa diferente momento caminda cu e alumno por ricibi mas informacion. Entre otro lo tin un beroepenorientatiedag (BOD) y anochinan di informacion.

Keda pendiente tambe di anochi di informacion organisa pa EPI, Colegio San Nicolas y Colegio Arubano na Oranjestad

Diplomauitreiking

Tur aña di nobo, Colegio San Antonio ta percura pa e alumno ricibi su diploma den un ambiente agradabel y festivo. Esaki ta wordo organisa di forma boluntario pa e team di docente di scol. Normalmente esaki ta tuma lugar den e prome siman di juli. Mas informacion lo sigui una bez scol tin esaki.