Header image

Informacion adicional

Pruebanan/“Toets”

Pa yega na un cifra cu ta duna un bon bista riba e prestacion di cada alumno e docente ta duna diferente prueba. Antes nos tabata uza e terminonan overhoring, proefwerk y cp. Na colegio San Antonio nos ta usa e siguiente terminonan.

  • T0 (Toets 0) – Esaki ta un “formatieve toets”. E obhetivo di un T0 ta pa midi e preparacion di un alumno pa un prueba. E alumno ta haya e oportunidad pa train y ta haya un evaluacion. A base di e evaluacion e por conclui si e ta preparando su mes bon pa un prueba of no. E docente tambe por haci un analisis di e preparacion di e alumno a base di e resultadonan. Pone atencion: un T0 no ta conta den e evaluacion final di e alumno.
  • T1 (Toets 1) – E prueba aki ta conta un (1) biaha. E ta un prueba di un parti di un capitulo y cu tin un duracion di no mas cu 20 minuut. Un alumno por haya un T1 sin previo aviso. Pensa por ehempel riba un dictee pa taal of ora un docente duna leerwerk como huiswerk. Un T1 por ta tambe un relato, presentacion, obra di man, practicum, investigacion, interview, etc.
  • T2 (Toets 2) – E prueba aki ta conta dos (2) biaha. Ta trata di un prueba di un capitulo completo y ta dura entre 45 y 60 minuut. Un T2 por ta tambe un relato, presentacion, obra di man, practicum, investigacion, interview, etc.
  • T3 (Toets 3) – ta conta tres (3) biaha. Esaki ta un prueba di mas di un capitulo y cu por dura entre 45 y 90 minuut (2 lesuur). Un T3 por ta tambe un relato, presentacion, obra di man, practicum, investigacion, interview, etc.

Importante: E fechanan di cada prueba (T2 y T3) ta wordo anuncia na tempo na e alumnonan ta wordo nota riba Google Classroom y/of Onderwijs SAS.

Ausencia di alumno durante prueba

Mayor tin e deber di informa scol na momento cu e alumno no por traha un prueba pa motibo di enfermedad of otro urgencia. Mayor ta informa scol e mesun mainta cu e prueba ta tuma lugar. Ta haci esaki prome cu 9’or di mainta via e email di scol: colegiosanantonio@skoa.aw. Por yama tambe na 5858021, tene cuenta cu telefon di scol por ta hopi ocupa den orario di mainta. Por fabor keda purba te ora haya contesta.

E alumno cu perde un prueba mester meld esaki na e vakdocent (docente di e materia cu el a perde). Tur periodo di recuperacion (inhalen) ta wordo coordina door di scol. Alumnonan cu a falta un prueba mester pone bon atencion na e “inhaalrooster”. E responsabilidad ta keda den man di cada alumno.

Kico e mayor of voogd mester haci:

  • Ausencia durante Toetsweek (CP) ta permiti solamente den casonan urgente y/of extremo. Ehempel: Malesa, accidente of entiero di famia cerca.
  • Prome cu e prueba cuminsa mester notifica scol y duna e motibonan (prome cu 9’or di mainta)
  • E alumno mester presenta e mesun mainta pa un chekeo medico na oficina di Medwork na Tanki Flip 12, Unit A of na Bernhardstraat 101, Unit 7. Mayor ta core cu gasto di esaki cu ta 35 florin cash.
  • Un mayor of voogd mester presenta na scol cu e carta di comprobante di Medwork. E mayor tin tres (3) dia pa haci esaki despues di e ausencia di e alumno.

Toetsweek

Scol ta organisa toetsweek of siman di prueba coordina. Esaki ta nifica cu tur alumno ta traha e mesun prueba na e mesun momento. Esaki ta wordo haci pa garantisa uniformidad di prueba pa tur alumno, calidad di cada prueba, y tambe e mesun nivel pa tur alumno. E docente ta dicidi e cantidad di material (leerstof, hoofdstuk) cu ta wordo ofreci cada toetsweek y e ta percura pa e alumnonan ta na altura di esaki 2 siman prome cu e prueba tuma lugar. E alumno lo haya un descripcion di e materia cu e mester studia y lo haya sa riba cua criterianan e tin cu mustra su habilidadnan y conocemento. E rooster di cada toetsweek mester keda publica un siman prome cu e pruebanan cuminsa.

Resultado y evaluacion: onderwijs-sas

Cada mayor tin acceso na e resultadonan di e alumno via onderwijs-sas. Docentenan ta introduci e resultado di cada prueba como tambe e peso den e sistema. Mayornan tin acceso na e sistema aki durante di full e aña escolar.

Tussenrapport:

Tur alumno ta haya un tussenrapport despues di un cantidad di prueba. E resultadonan ta duna un indicacion di con e alumno ta para na e momento ey. Un tussenrapport no ta un evaluacion definitivo. Despues di un tussenrapport ainda e alumno tin e oportunidad pa mehora su resultadonan. E tussenrapport ta duna mayor y alumno un bista di e situacion na e momentonan ey ta ta un momento di refleccion. Si e resultadonan ta insuficiente, e mentor por invita mayor pa pasa scol y repasa e resultadonan.

Nos ta informa mayornan cu suficiente antelacion ki dia lo duna un tussenrapport. Scol por duna te cu tres tussenrapport pa aña.

Ouderavond

Pa aña tin dos ouderavond caminda cu e mayor por busca e resultado di e alumno. Ta trata di e resultado di rapport 1 y 2. Den e caso di rapport 3, e alumno ta haya esaki pa hiba cas e ultimo dia di scol. Fechanan di ouderavond ta wordo comunica na mayor na su debido tempo.

SE-kaart (examenklas)

Alumnonan den examenklas lo ricibi un SE-kaart cu resultado di nan schoolexamens (SE’s) despues di cada periodo di prueba. E prome periodo cay na final di oktober/comienso di november, e di dos periodo na comienso di februari y e ultimo periodo na april. E SE-kaart ta yuda como momento di refleccion y analisis di e alumno hunto cu su mentor y mayornan. Di e forma aki nos ta spera di por duna e alumno e mihor guia posibel den su ultimo aña serca nos.